2025 წლის 17 მარტს, თბილისის საქალაქო სასამართლოში “პუბლიკას” რეპორტიორის, ალექსანდრე ქეშელაშვილის საქმის განხილვა გაიმართა. ალექსანდრე ქეშელაშვილს პოლიციისადმი დაუმორჩილებლობას ედავებოდნენ; სასამართლომ მას სიტყვიერი გაფრთხილება მისცა.
ქეშელაშვილი პროევროპულ აქციას აშუქებდა გასული წლის 29 ნოემბერს, რა დროსაც ის პოლიციამ ძალის გამოყენებით დააკავა და ფიზიკურად გაუსწორდა. ჟურნალისტი, იმავე ღამეს, მრავლობითი დაზიანებებით საავადმყოფოში გადაიყვანეს, სადაც სასაწრაფო ოპერაცია ჩაუტარდა; ქეშელაშვილს სახის ძვლები ჰქონდა ჩამტვრეული.
“პუბლიკას” რეპორტიორმა სპეციალურ საგამოძიებო სამსახურს დეკემბერში მიმართა პროფესიული მოვალეობის შესრულების დროს მის მიმართ განხორციელებული ფიზიკური ძალადობის გამოძიების მოთხოვნით. მიუხედევად იმისა, რომ აღნიშნულ საქმეში ქეშელაშვილი დაზარალებულად არის ცნობილი, სასამართლომ დღეს მაინც გამამტყუნებელი განაჩენი გამოიტანა და პოლიციისთვის დაუმორჩილებლობის გამო ალექსანდრე ქეშელაშვილს სიტვიერი გაფრთხილება მისცა.